Медиумите во Италија денеска објавија дека играчот на Катанија, Макси Лопез е практично играч на Милан и недостасува само официјална потврда на трансферот.

„Скај Спорт“ соопшти дека Макси Лопез утрово пристигнал во Милано за да го изврши медицинските прегледи и дена наскоро и официјално ќе биде претставен како нов играч на Милан, а тоа за медиумите го потврди и претседателот на Катанија.

„Макси Лопез е практично играч на Милан, само мораме да почекаме уште неколку дена. Милан мора прво да реши некои ситуации, но договорот е заклучен“, изјави претседателот на Катанија, Пјетро Ло Монако.

Веднаш потоа во јавност се огласи и првиот оперативец на ’росонерите’, Адриано Галиани.

„Ситуацијата е едноставна. Ние имаме договор со Катанија и со играчот. Доколку не дојде Тевез ќе пристигне Макси Лопез, или едниот или другиот. Сеуште чекаме информации околу ситуацијата со Тевез бидејќи тој е нашиот прв избор“, изјави Галиани пред медиумите.

Инаку Тевез викендов ја одби фантастичната понуда од ПСЖ, кој му понуди три и пол годишен договор со заработка од 11 милиони евра по сезона, плус 10 милиони евра бонуси, бидејќи сака да игра во Италија.
Сега се чека одговор од Манчестер Сити, а агентот на Тевез, Киа Јорабчијан изјави:

„Ние бевме во Париз за да ја слушниме ниваната понуда само поради учтивост и почит кон Анчелоти. Тој е еден од најдобрите тренери во светот, ако не и најдобриот. Сепак, желбата на Карлос е јасна, и економскиот фактор не е пресуден во неговиот избор. Доколку не беше Анчелоти во Париз ние воопшто немаше ни да почнеме преговори со ПСЖ“, изјави агентот на Тевез.