Андреј Шевченко ја покани Рома да достави понуди до Челзи за негов ангажман. Тој рече дека подготвен за таков чекор и дека Лучијано Спалети му е еден од омилените тренери, а и во добри односи е со Франческо Тоти.

“Имам уште една година од договорот со Челзи и подготвен сум да го испочитувам до крај.“

“Ако има некоја конкретна понуда тогаш сум спремен заедно со Челзи да ја простудираме. Ако не е возможно да ја продолжам мојата кариера во челзи тогаш ќе ги разгледам и другите опции.“

“Го сметам Спалети за одличен тренер, доста серозен и подготвен. Тој е способен да го извади максимумот од играчите. Кога се сретнував со него имаше позитивна атмосфера меѓу нас. Исто и Франческо Тоти ми е добар пријател. Тој е симбол на еден многу голем клуб.“ - заврши Шева во изјавата за Corriere.

Освен Рома во игра е и Динамо Киев, но неговата плата преставува проблем за Украинците.

На 9-ти јули им се приклучува на Челзи како дел од подготовките за наредната сезона.