Фудбалерите на Малага со 3-1 славеа на гостувањето против Расинг Сантандер во последниот меч од 12-то коло во шпанската Примера.

Иако по првите 45 минути се чинеше дека нема да има многу возбудувања и голови, во второто полувреме сосема поинаква слика на теренот. Веќе на почетокот младиот шпански репрезентативец Иско и донесе предност на Малага, а Гонзалес со автогол во 65-та минута ја дуплираше предноста.

Мала надеж за домашните играчи донесе погодокот на Арана во 70-та минута, но точка на победата на составот на Мануел Пелегрини донесе Фернандез во последната минута од натпреварот.