Тренерот на Барселона Пеп Гвардиола вели дека неговиот најголем ривал Жозе Мурињо е најваројатно најдобриот тренер во светот.

Каталонецот кој е на чело на Барселона од 2008-та година и освои 12 трофеи со што стана најуспешен тренер во историјата на клубот. Гвардиола беше многу добар фудбалер во 90-те години, но тој самиот истакна дека кариера како фудбалер не е неопходен услов за да бидеш добар тренер, а пример за тоа се Ариго Саки и Жозе Мурињо.

„Не е задолжително да си играл фудбал за да станеш голем тренер. Ариго Саки го промени овој спорт без да играл, а Жозе Мурињо најверојатно е најдобриот тренер во светот“, изјави Гвардиола.

„Кога бев играч, видов дека сум во ситуација кога не можам да дадам повеќе од себе. Знам дека и како тренер ќе биде исто. Знам дека ќе дојде денот кога ќе бидам уморен и ќе се откажам. Се надевам дека ќе дојде тој ден затоа што вообичаено тренерите добиваат откази пред тие да одлучат да си одат затоа што губат“, заврши Гвардиола.