Богатиот руски фудбалски клуб Анжи од Махачкала како приоритетна цел во зимскиот преоден рок го зацртал ангажирањето на одбранбениот играч од редовите на Интер, Маикон.

После неверојатниот трансфер на Самуел Ето ова лето, со кој Камерунецот стана најплатениот фудбалер во светот, Анжи нема намера да застане и веќе направи список на нови потенијавлни засилувања.

Клубот наводно веќе ги контактирал менаџерите на Маикон, на кого не му се оствари желбата по завршување на сезоната да се пресели во Реал Мадрид, а медиумите тврдат дека трансферот би можел да се реализира за сума од околу 15 милиони евра.