Македонската женска ракометна репрезентација во првиот бараж дуел со Австрија оствари победа од 4 гола, 32-28.

Нашите репрезентативки добро стартуваа и поведоа со 7-5, но потоа следеше игра со многу грешки од наша страна, промашен седмерец на Тодоровска, за со одличната реализација на Ачимовиќ, Австријките  да направат серија од 5-0 и водство за нив од 10-7.

Во тие моменти одлично реагираше нашиот селектор Петковиќ и игравме со фластер на левиот бек на Австрија, а Андреева имаше неколку добри одбрани, па на полувреме отидовме со 13-13.

Во вториот дел до 50 минута натпреварот беше изедначен за потоа ние да дојдеме до највисокото водство од +5 (28-23).

Можевме и да го зголемиме тоа ако Кресоја и Тодоровска реализираа два седмерци при +4 за нас, но сепак и ова добар резултат пред реваншот кој се игра на 12-ти (петок) со почеток во 20:20. 

Победникот од бараж дуелот ќе патува на СП кое ќе се одржи во декември во Кина.