Два дена пред трката во Турција, германски Билд излезе со информација дека британскиот возач Џенсон Батон се обложил на себеси пред почетокот на сезоната.

Како што се наведува во таблоидот моменталниот лидер во Ф1 циркузот на почетокот на овогодинешново првенство ставил 50 000 долари дека токму тој ќе биде новиот шампион во Формула 1 оваа сезона. Се претпоставува дека тој бил мошне добро информиран дека неговиот тим е технички супериорен во однос на другите оваа сезона.

Батон е убедлив лидер во Ф1 сезонава. Тој има пет победи на шесте трки одржани сеознава и е на добар пат дури и да го сруши рекордот од најмногу победи во едена сезона на Шумахер.

Се уште нема никаков демант на оваа информација и се очекува да се види како ФИА ќе реагира на сето ова.