Денес во 19:35 на скопскиот аеродром треба да пристигнат Норвежаните. Тие ќе бидат сместени во хотелот Александар Палас.

Својот прв тренинг Викинзите ќе го одржат утре во 12:30 на националниот стадион Филип II, нешто пред тоа нивниот селектор Егил Олсен ќе го има и првиот прес за новинарите.

Нашата фудбалска репрезентација од денес пак од Охрид се сели во Скопје каде што во 17:30 ќе го има и првиот тренинг на Филип II.

Утре селекторот Јонуз на прес закажан во 11:30 ќе ги објави фудбалерите кои ќе го понесат товарот на престојните два квалификациони дуели со Норвешка и Исланд.