Напаѓачот на Ливерпул Дирк Кајт, во наредната сезона ќе го носи дресот на европскиот клупски шампион Интер, тврди холандскиот весник Де Телеграф.

Според весникот двата клуба се договориле вчера, по долги преговори, а тоа било и причината Холанѓанецот да не настапи во Лига Европа пртив Трабзонспор. Информацијата гласи дека трансферот треба да биде официјализиран денеска, а Кајт уште за викендот да пристигне во Италија.

Така Рафаел Бенитез повторно ќе има мозност да работи со еден од своите миленици од периодот на Енфилд. Другата негова желба е Хавиер Маскерано, за кого се поизвесно е дека ќе остане во Ливерпул.