Лука Тони ќе биде официјално претставен како ново засилување на Џенова.

Во клупското соопштение на нивната вебстрана стои: „Лука Тони скоро е играч на Џенова. Како што најави претседателот Енрико Прециоси, неговата презентација ќе биде в четврток.“

„Презентацијата на Тони ќе биде проследена и со презентација на новите Asics дресови за сезоната 2010-2011“.

Лука Тони доаѓа во Џенова како слободен играч, откако беше ослободен од обврските со Баерн Минхен. Постигна 38 гола во 60 натпревари, колку што одигра во две и пол сезони, по што се најде во втор план кај тренерот Луис ван Гал. Останатиот дел од минатата сезона го помина на позајмица во Рома.