Како што и се очекуваше, тужбата на Ферари против ФИА не помина на францускиот суд, па затоа тимот на Маранело мораат да донесат конечна одлука за настапот во Ф1 и наредната година.

Едно е сигуно само, каде ќе оди Ферари, неговите стапки ќе ги следи и Кими Раиконен. Поранешниот светски првак не беше многу потресен од оваа вест. Тој им вети верност и подршка на тимот во нивните одлуки.

По се изгледа Ферари нема да поднесе пријава за настап и наредната сезона, а до истекот на рокот остануваат уште само 8 дена. Раиконен смета дека Ферари може да продолжи со животот и без Формула 1, но дека до таков расплет нема да дојде.

“Прилично сум сигурен дека нема да испаднеме од Ф1, но неможам да бидам 100% сигурен. Имам договор со Ферари и тие се натореваруваат во многу други категории и мислам дека би ми нашле некое друго добро место.“

“Ферари е голема фамилија и јас сум дел од нејзе. Тука работам и со нив сакам да се натпреварувам и ќе ја почитувам и следам секоја нивна одлука.“ - изјави финскиот возач.

Ферари за ова има подршка од Тојота, Торо Росо, Ред Бул и Рено.