Откако беше во немилост на тренерот на Лех Познањ минатата сезона, Златко Таневски се реши да ги смени клупските бои.

Македонскиот дефанзивец и натаму останува во Полска, и идната сезона ќе настапува за полскиот прволигаш Белшатов. Таневски договори соработка со пољаците на две години, пренесува агенцијата Нетпрес.

Со тоа продолжува полската ’одисеја’ на Македонецот кој веќе подолго време е во оваа земја. Во минатото го носеше дресот на Вардар и на Цементарница 55.

И покрај интересот од многу клубови, сепак Таневски се реши за Белшатов со надеж дека ќе игра, и со добри партии ќе се наметне кај селекторот Мирсад Јонуз за следниот квалификациски циклус, со оглед дека стоперското место во репрезентацијата е испразнето со заминувањето во пензија на капитенот Гоце Седлоски.

Во минатото Таневски беше незаменлив дел од младата репрезентација на Македонија.