Антонио Калиендо, агентот на Маикон вели дека во моментов преговорите меѓу Реал и Интер се запрени затоа што Морати сака премногу пари, додека пак Перез дава многу малку.

“Се што знам дека целата ситуација во моментов е блокирана. Понудата која ја нуди Реал е пониска од онаа која ја бара Интер. Не сакам да давам некои коментари, но ќе речам само дека имаме еден претседател кој сака да плати многу малку, а друг кој сака да земе многу.“

“Што се однесува до Сити, нивниот интерес не е ништо ново. Роберто Манчини отсекогаш му се восхитувал на Маикон, но не знам ни они дали ќе ги задоволат побарувањата на Морати.“ - рече на крај Калиендо.