Менаџерот на Арсенал, Арсен Венгер најави дека нема да попушти во врска со Цеск Фабрегас, шпанскиот репрезентативец ќе остане на Емирати и покрај огромниот интерес од Барселона.

“Најважно за Цеск е да има фантастично СП, но исто многу е важно да се врати во Арсенал со огромни мотиви да одигра најдобро што може за нас.“

“Сакаме да ги задржиме нашите најдобри фудбалери и нема попуштање во тоа. Го градев овој тим со години наназад. Повеќето од овие фудбалери биле тука од 16-17 годишна воздраст и сакаме да продолжиме со работата затоа што чувствувам дека сме многу блиску до нашата цел.“ - изјави Венгер кој во овој период ќе се обиде да го задржи Галас, а според англиските медиуми е пред потпис со голманот на Фулам, Марк Шварцер.