Еден од најдобрите фудбалери оваа сезона, Арјен Робен откри дека Ван дер Ваарт поскакува да се врати во Бундеслигата и тоа во дресот на Баерн Минхен.

“Многу добро го познавам Ван дер Ваарт, а и разговаравме пред некој ден. Дечкото ќе дојде во Баерн во истиот момент кога и ќе го побараат. Ако треба и со велосипед ќе дојде од Мадрид само за да потпише со Баерн, го гарантирам тоа.“

“Тој донекаде ми беше и љубоморен кога виде дека јас потпишувам за Баерн. Имаше понуди од англиските клубови, но не сака да игра во Англија. Веќе играше во Бундеслигата и му одговара, но мислам дека се чека Баерн да покаже интерес.“

“Јас можам само да кажам дека Ван дер Ваарт ќе биде од огромна корист за нашиот тим. Во Реал и така не е стандарден првотимец.“ - рече Робен.

По оваа изјава по се изгледа се започнува војна меѓу Арсенал и Баерн за ангажман на Ван дер Ваарт. Претходно и Ван Перси го повикуваше на Емирати. Шпанските медиуми тврдат дека Холанѓанецот не е дел од плановите на Жозе и сигурно ќе си замине ова лето.