Крилото на Баерн Минхен, Арјен Робен го критикуваше начинот на кој Жозе Мурињо се обидува да стигне до победата. Тој го уништува фудбалот за разлика од Баерн кој според него игра убав фудбал.

“Тој создава победнички тим без разлика дали тоа ќе го направи со убав фудбал за око или не. Филозофијата на Баерн и на Ван Гал е да се победуваат натпреварите со убава игра.“

“Како играч освен што сакате да играте сакате и да уживате во таа игра, тоа е многу важен дел.“ - изјави Робен кој ќе биде предводник на Баерн во големото финале во сабота во Мадрид.

Баварците последната од своите 4 титули ја освои во 2001-та кога на Сан Сиро на пенали ја порази Валенсија со 5-4 откако во регуларниот дел беше 1-1.