Премиерлигашот Вест Хем заради лошите резултати оваа сезона реши да го отпушти менаџерот, Џанфранко Ѕола. Неговата позиција висеше низ текот на целата сезона, обезбеди опстанок, но изгледа дека управата не е задоволна со неговата работа.

“Вест Хем потврдува дека го прекинува договорот со својот менаџер Џанфранко Ѕола.“

“Управата сака да му се заблагодари за се што придонел во овој клуб и му посакуваме добра иднина. Клубот сега ќе се фокусира да пронајде негова замена.“ - гласи во официјалното соопштение на “чеканите“.

Со ова можно е Ѕола да сака да флертува со гигантите од италијанскиот фудбал. Милан, Јувентус и Интер би можеле ова лето да останат без своите тренери.