Во 34-то коло двата конкурента за титулата забележаа победи и со тоа Барселона се уште е на поен пред Реал. Се заострува битката за 4-та позицја затоа што сега до нејзе се доближија Виљареал и Гетафе.

Барселона успеа да забележа лесна победа над Херез од 3-1. Гвардиола го одмараше Меси, но сепак Аргентинецот одигра 40-тина минути за Каталонците кои со оваа победа останаа на врвот со 1 поен предност во однос на Реал. Жефрен, Анри и Ибрахимовиќ погодија за домаќините. Натпреварот беше решен уште по првите 23 минути кога Барса веќе имаше 2-0 предност.

Во Зарагоза Реал потешко од очекувањата славеше над домашниот состав. Кака кој по пауза од 1 месец и пол се врати на теренот беше спасителот на “кралевите“, тој во 75-та минута го постигна победничкиот гол и им донесе многу значајни бодови во битката за титулата. Претходно гостите доминираа имаа многу шанси, но голманот Гаго беше одличен на голот. Особено за пофалба е домашниот состав за играта во првиот дел кога одлично се справи со Реал, кој освен стопостотната шанса на Роналдо на стартот од мечот и немаше посериозна закана. Треба да се напомене дека домаќините играа со играч помалку од 53-та минута и успеа да изедначат иако беа со 10 играчи, но нивната одбрана не ги издржа нападите до крајот на натпреварот.

Валенсија со голот на Давид Виља од пенал забелеа минимална победа над Ла коруња и со тоа веќе си ја осигруаше 3-та позиција на табелата. Тие имаат 6 поени предност во однос на Мајорка на 4 кола до крај.

Одличен натпревар одиграа Гетафе и Севиља. Домаќините забележаа победа од 4-3 и со тоа влегоа во игра за место кое води во Европа. Сега се на 6 поени во однос на 4-то пласираната Мајорка. Домаќините имаа многу повеќе шанси и подобра игра, но мораа во последните 15 минути преку пресврт да дојдат до победата.

Во останатите средби Виљареал го совлада Сантандер и со тоа сега е во битка дури и место кое води во ЛШ, 4 поени е позади Мајорка. Атлетико Мадрид со 3-1 госовлада Тенерифе. Мајорка не успеа да ја совлада Малага на домашен терен, но се уште е во пол позиција за 4-то место. Хихон на домашен терен со 2-0 загуби од Ваљадолид кој се бори за опстанок и со оваа победа сега е на 2 поени од сигурносната зона. Алмерија дома загуби од Еспаниол со 1-0.

Табела: