Францускиот спортски весник L'Equipe го избра идеалниот фудбалски состав на светот за 2009 година.

Во составот доминираат Шпанци и играчи на Барселона. Покрај голманот на Реал, Икер Касиљас, во него се наоѓаат петмина играчи на Барселона: десниот бек Дани Алвеш, играчите за врска Јаја Туре, Чави Хернандез и Арнес Иниеста и напаѓачот Лионел Меси кој оваа година беше избран за најдобар играч во светот.

Составот го комплетираат тројца играчи на Челзи, Џон Тери, Михаел Есјен и Дидие Дрогба и двајцата одбранбени играчи од Манчестер, Немања Видиќ и Патрис Евра.

Идеалниот фудбалски тим за 2009 година (4-3-3)

Икер Касиљас (Реал Мадрид, Шпанија) – Дани Алвеш (Барселона, Бразил) – Немања Видиќ (Манчестер Јунајтед, Србија) – Џон Тери (Челзи, Англија) – Патрик Евра (Манчестер Јунајтед, Франција) – Чави (Барселона, Шпанија) – Јаја Туре (Барселона, Брегот на Слоновата Коска) – Михаел Есјен (Челзи, Гана) – Лионел Меси (Барселона, Аргентина) – Андрес Иниеста (Барселона, Шпанија) – Дидие Дрогба (Челзи, Брегот на Слоновата Коска)

Според изборот на публиката има неколку измени, на местото на Видиќ во одбраната е Пујол, во средниот ред Кака е на местото на Туре, додека Роналдо е наместо Есјен.

спортски.мк/ таратур