Младиот 22 годишен фудбалер на Барселона, Педро Родригез, постана првиот фудбалер кој успеал да се запише во листата на стреци во 6 различни конкуренции за една сезона.

Педро погоди во 67-та минута за конечни Барселона - Атланте 3-1 во полуфиналето на Светското клубско првенство. Со тоа тој се запиша во листата на стрелци и во 6-то различно натпреварување. Претходно тоа го стори во ЛШ, кралскиот куп, Приемра, шпанскиот супер куп и европскиот супер куп.

Барселона ги освои титулите во сите овие натпреварувања и ја очекува и 6-та во Светското клубско првенство. Каталонците во финалето ќе играат со Естудијантес кои го совладаа со 2-1 Поханг Стилерс на Стевица Рситиќ во другото полуфинале.

Финалето ќе биде во сабота во Абу Даби.