Вторпат сезонава тимот на Brown GP се радуваше на еден-два победа. Четврта победа на Батон сезонава во пет трки или петта негова во кариерата.

На трката во Катаљуња, Шпанија, одличен старт имаше клупскиот колега на Батон, Рубенс Барикело кој од третата позиција дојде на првата, но поради лошата пит-стоп стратегија (три запирања) мораше да се задоволи со второто место. Батон имаше две запирања во боксот и тоа беше клучно за победа и негова доминација сезонава.

Марк Вебер од Ред Бул заврши како 3-ти и си обезбеди место на подиумот за прв пат сезонава. Неговиот клупски колега, Себастијан Фетел, единствениот кој му зеде победа на Батон и негов главен конкурент за титулата денеска заврши како четврти.

Алносо беше петти, а ланскиот вицешампион Маса ги освои своите први поени сезонава со завршувањето на 6-то место.

Бодови освоија уште и Грманците, Ник Хајфилд од БМВ и Нико Розберг од Вилијамс.

На почетокот, веднаш по стартот излезе возилото за безбедност поради судирот на повеќе болиди. Во тој судир учествуваа: Трули, Боуеми, Сутил и Бурде.

Раиконен се откажа во 17-от круг поради проблеми со возилото, а Маса можеше да заврши 4-ти, но поради лошата пресметка на неговиот тим во последните два круга мораше да штеди на гориво и затоа возеше побавно.

Резултати од трката на Катаљуња:

Генерален пласман: