Најдобриот фудбалер на Манчестер Јунајтед, Вејн Руни, ги отфрли шпекулациите за било каков негов трансфер и најави дека сака својата кариера да ја заврши на Олд Трафорд.

“Убаво е да ве спомнуваат во таков контекст, но јас сум пресреќен во Јунајтед и се додека не ми соопштат нешто друго јас не можам да си замислам да заминам оттука.“

“Едноставно го обожавам ова место. Се наоѓам на 30 минути од мојот дом и од мојата фамилија.“

“Тука се уште имам шанси за освојување на многу трофеи. Имам уште две години од мојот договор и очекувам во наредните неколку месеци да потпишам нов договор.“ - заврши 24 годишниот Руни.

Вејн Руни пристигна на Олд Трафорд пред 5 години од Евертон за тогаш неверојатни 20 милиони фунти кои ги извади до последното пени. Веќе има постигнато 105 голови во дресот на “црвените ѓаволи“.