Во светот на спортот е прекината доминацијата на американските професионални лиги (NFL, MLB и NBA). Како што известува ФОРБС според годишниот приход Премиер лигата ја помина НБА лигата и сега е на 3-то место.

Во Премиер лигата се вртат највеќе пари од било кое друго национално натпеварување во Европа. Приходите на најквалитетното англиско фудбалско натпреварување изнесуваат 2.68 милијарди долари, што е за 70 милиони долари повеќе од NBA и со тоа е разбиено светото американско тројство.

Сепак не е се така розово во Англија, ако се земат и расходите, тогаш Англичаните се длабоко во минус. Имаат расходи од 3.5 милијарди долари, што значи дека сите клубови од Премиер лани направиле загуба блиска до 1 милијарда долари.

Еве како изгледа листата според приходите:

1. NFL - 4.88 милијарди долари 


2. MLB - 3.78 милијарди долари 


3. Premier league - 2.68 милијарди долари 


4. NBA - 2.61 милијарди долари 


5. SERIE A - 1.5 милијарди долари 


6. BUNDESLIGA - 1.42 милијарди долари 


7. PRIMERA - 1.35 милијарди долари