Фудбалерите на Боливија ќе ги бојкотираат натпреварите од квалификациите за СП 2010 со Бразил и Перу. Ова го објави синдикатот на професионални фудбалери во Боливија.

“Ниеден од играчите кои се повикани во репрезентацијата нема да се појави на подготовките.“ - изјави извршниот шеф Фабол Милтон Мелгар.

Како кажува Фабол сака наместо три да има само едно надзорно тело кое ќе се занимава со домашниот фудбал. Моментално имаат по едно за професионален, аматерски и боливискиот фудбалски сојуз кој се занимава со административните прашања.

“Боливискиот фудбал е во длабока криза и се додека нашите предлози не бидат исполнеи, сите професионални фудбалери во државата ќе одбиваат да играат за репрезентација.“ - заврши Фабол.