21 годишниот Германец Себастијан Фетел ја оствари својата втора победа во кариерата. Тој на патеката во Шангај  за прв пат се радуваше сезонава.  Лани со победата на Монца влезе како најмладиот победник во историјата на Ф1. За радоста на Ред Бул да биде поголема, со-возачот на Фетел, Австралиецот Марк Вебер заврши на второто место и Ред Бул за прв пат имаше еден-два победа и за прв пат во нивната историја имаа и победа на една трка.

Лидерот на генералниот пласман Британецот Џенсон Батон заврши како третопласиран и со тоа ја зголеми предноста на 6 бода во однос на својот клубски колега Рубенс Баричело. Баричело оваа трка ја заврши на 4то место.

Возачите на МекЛарен Хајки Ковалаинен и Луис Хамилтон, беа петти односно шестти, додека преостантите бодови ги земаа Тимо Глок на Тојота кој заврши седми и први бодови во неговата кариера освои и Швајцарецот Себастијан Буеми на Торо Росо кој заврши како осми.

Ферари и по три трки остануваат без ниту еден освоен бод.

Инаку треба да се каже дека трката наликуваше како онаа претходната во Малезија. Ако во претходните два дена имаше многу сонце, денеска не беше така. Денес во Шангај имаше многу дожд. Затоа и првите 8 круга возачите ги возеа со безбедното возило.

"Ова беше неверојатно возбудувачки, имаше премногу вода на патеката, беше навистина тешко да останеш на патеката. На моменти ми се чинеше дека река тече по патеката. Во секој случај пресреќен сум што ја остварив својата втора победа во кариерата" - изјави Фетел по трката.

Во генералниот пласман и натаму лидер останува Џенсон Батон кој има 21, пред некговиот клубски колега Баричело кој собра 15, на делба на третата позиција се денешниот победник Фетел и Глок кои имаат по 10 бода.

Кај конструкторите Браун Мерцедес е напред со 36 поени а Ред Бул и Тојота имаат по 19,5 односно 18,5 бодови.

Следната трка е за една недела, на 26.04 во Бахреин за големата награда на Шакир

Еве ги резултатите од трката во Шангај: